Tríggir føroyingar millum ríkastu fólk í danska ríkinum

Tríggir føroyingar millum ríkastu fólk í danska ríkinum
Ognirnar hjá Regini Jacobsen og Oddvør Jacobsen er gjørdar upp til 3,8 milliardir kr. í løtuni
Regin Jacobsen og Oddvør Jacobsen eiga 16 prosent av Bakkafrosti.
Mynd: Bjarni Árting Rubeksen  
 
04.11.2022 - 18:00

Tríggir føroyingar eru á listanum yvir ríkastu fólk í danska kongaríkinum, sum fíggjarliga vikubrævið - Økonomiskt Ugebrev - hevur givið út í dag.

Nummar 52 á listanum eru Regin Jacobsen og Oddvør Jacobsen, sum eiga 16 prosent av Bakkafrosti. Teirra ognir eru uppgjørdar til 3,8 milliardir krónur í løtuni.

Hesa tíðina í fjør áttu tey, sambært tíðindabrævinum, 5,1 milliard krónur. Hetta hevur við sær, at tey fara 18 pláss aftur á listanum.

 

Rúni og Gulak

Rúni Bro Róin, sum er partur av Copenhagen Infrastructure Partners (CIP), er nummar 87 á listanum. Hann er góður fyri 2,1 milliard krónur.

Gulak Madsen, føroyskur reiðari, sum virkar í Danmark, var í fjør nummar nummar 75 á listanum, men hann er ikki at finna í top-100 í ár.

Sambært fíggjarliga vikubrævinum átti Gulak Madsen ognir fyri 2,6 milliardir í fjør. Hesar ognir eru nú minkaðar 900 milliónir, niður í 1,7 milliardir krónur.

Nummar eitt á top-100 listanum er familjan Kirk Kristiansen, sum eigur Lego. Samlaðu persónligu ognirnar hjá teimum eru í løtuni 255 milliardir krónur.

Er kopiera
Nýggjastu sendingar í ÚV
Leygardag 4. januar
Plátupanelið #025 (1990)
185873
Leygardag 4. januar
Jambalaja - 040125
185865
Leygardag 4. januar
Morgunlestur leygardagur 4. januar 2025
185357
Leygardag 4. januar
Upp á tá - 030125
185863
Nýggjastu sendingar í SV
Fríggjadag 3. januar
Veðrið
185848
Mikudag 1. januar
Sig okkurt skek
185740
Mikudag 1. januar
Hjartabørn í Kenja
185737
Mikudag 1. januar
Andakt við Gerhardi Jónsson Mikkelsen
185736
Týsdag 31. desember
Nýggjár 2024
185722