Jenis av Rana: Bólturin liggur nú hjá løgmanni

Fyri løtu síðani fingu fjølmiðlarnir hesa fráboðan frá Miðflokkinum:

Orsakað av, at løgmaður hevur loyst formann Miðfloksins úr starvi sum landsstýrismann í uttanríkis- og mentamálum, hevur flokstjórnin tikið avgerð um, at Miðflokkurin tekur seg úr samgonguni.

Tað var ein samdur flokkur, sum tók avgerðina um, at Miðflokkurin ikki longur skal vera ein partur av samgonguni, sigur Jenis av Rana floksformaður, sum í dag er sagdur úr starvi sum landsstýrismaður í Uttanríkis- og mentamálum.

- Nú liggur bólturin hjá løgmanni, sigur Jenis av Rana.

Hoyr samrøðuna í útvarpstíðindunum.