Nýggj vaktarskipan kann fáa fleiri kommunulæknar

Nýggj vaktarskipan kann gera tað meira freistandi hjá kommunulæknum at arbeiða í Føroyum.

Tað sigur Marjus Dam, formaður í Kommunulæknafelagnum, í sambandi við at Heilsutrygd onga umsókn fekk til tey sjey kommunulæknastørvini, sum vóru lýst leys:

Trý kommunulæknastørv vóru lýst leys í Suðuroyar læknadømi, tvey í Skálafjarðar læknadømi, eitt í Vestmanna læknadømi og eitt í Suðustreymoyar læknadømi.

Í Føroyum eru 34 normerað kommunulæknastørv.

27 av teimum eru mannað. Eingin fastur kommunulækni røkir hini sjey størvini.