Mótmæla nýggju vaktarskipanini hjá kommunulæknum

Landssjúkrahúsið mótmælir nýggju vaktarskipanini hjá kommunulæknunum, sum var sett í verk fyri viku síðani.

- Tað er av alstórum týdningi, at ætlaðu broytingarnar í kommunulæknavaktini verða steðgaðar alt fyri eitt, so vit beinan vegin koma aftur til skipanina, sum hon var fyri bara fáum døgum síðani.

Soleiðis stendur í innliti, sum Kringvarpið hevur fingið.

Talan er um skriv, sum Landssjúkrahúsið sendi Heilsumálaráðnum og Heilsutrygd fríggjadagin í sambandi við broytingarnar í kommunulæknavaktini.

Hoyr innslag í útvarpstíðindunum:

Steinar Eirikstoft, stjóri á Landssjúkrahúsinum, hevur onga viðmerking til málið í dag. 

Nevndin fyri Kommunulæknafelag Føroya sigur í stuttari viðmerking, at tey fríggjakvøldið vóru kunnað um nøkur viðurskifti í læknavaktini, men at tey royna og eru til reiðar at finna eina loysn, sum er trygg fyri sjúklingin.