Eysturkommuna lækkar skattin og hækkar barnafrádráttin

Eisini Eysturkommuna lækkar skattaprosentið og hækkar barnafrádráttin.

Býráðið hevur einmælt samtykt at lækka skattaprosentið hálvt prosentstig, niður í 20,5 prosent.

Og barnafrádrátturin hækkar 500 kr., upp í 8.500 kr. 

19,5 mió. í avlopi

Inntøkurnar hjá Eysturkommunu eru mettar at vera 126,5 mió.kr. í 2023. Raksturin fer at kosta 107 mió.kr, so rakstraravlopið verður 19,5 mió.kr. Íløgur vera gjørdar fyri 40,5 mió.kr. 

Millum annað skal kappróðrarneyst byggjast í Tyrlhúsgrundini í Norðragøtu. 

Avdráttirnir í 2023 vera 8,9 mió.kr. og rentuútreiðslurnar 1,2 mió.kr.