Mette Frederiksen: Tit verða bilsin

Í gjárkvøldið var greitt, at Sosialdemokratarnir, Vinstri og Moderati flokkurin skipa nýggja stjórn í Danmark.

Samgongutingingarnar hava verið óvanliga drúgvar hesa ferð, tilsamans 42 samdøgur. Men í gjárkvøldið kundi Mette Frederiksen, virkandi forætisráðharri, at tað hevur eydnast at skipa nýggja stjórn. 

- Eg eri errin av nýggja samgonguskjalinum, sigur Mette Frederiksen.

Hon sigur, at í summum førum eru samgonguskjalið blátt, og í øðrum førum er tað reytt.

- Tað eru nógv viðurskifti, har tit øll verða bilsin, segði Mette Frederiksen við tíðindafólk á Christiansborg í morgun, áðrenn hon fór á Marienborg, har samgonguskjalið verður lagt fram. Síðani verður tíðindafundur.

Bæði Vinstri og Moderati flokkurin hava undir samgongusamráðingunum slept kravinum um, at advokatar skulu meta um handfaringina hjá Mette Frederiksen av minkamálinum. Tað kravdu báðir flokkarnir annars undir valstríðnum. 

Afturfyri fáa flokkarnir stóra ávirkan á búskaparpolitikkin, og talan verður um at lækka skattin, eisini hjá teimum, sum forvinna mest, skriva danskir miðlar í morgun. 

Fylg við tíðindafundinum á Marienborg her.