Kyiv er ársins orð í Danmark

Danir hava valt ársins orð, og í ár er tað Kyiv.

Tað er P1 hjá Danmarks Radio, sum skipar fyri ársins orði, og hesa ferð komu 295 uppskot inn.

Nøkur av orðunum, sum vóru í finaluni vóru "energikrise" (altso orkukreppa), "inflation" og "migrantarbeiðari."

Í Noregi var Kyiv eisini við heilt frammi, og bleiv nummar fimm á listanum. Ársins orð í Noregi bleiv "krympflasjon."

Orðið er sett saman av at krympa og so inflatión, og merkir sostatt ein vøra, sum er blivin minni í vekt ella vavi, men varðveitir sín søluprís.

Í Føroyum valdu vit sum kunnugt "stuttflutt" til ársins orð.