Brandur til Fredrikstad

Brandur Hendriksson Olsen skal spæla við Fredrikstad FK, sum nú er satt føroyingafelag. Tað skrivar Dimma.fo.

Føroyski landsliðsmiðvallarin skal spæla í næstbestu norsku deildini saman við Jóannesi Bjartalíð undir Mikkjali Thomassen.

Sambært dimma.fo hevur journalistur á Fredriksstad Blad fingið tíðindini váttað frá ítróttastjóranum í felagnum, Joacim Heier, og nú er skiftið alment.

Brandur Hendriksson Olsen, sum hevur spælt 50 dystir fyri føroyska landsliðið, sleit krossbandið á venjingarlegu við Helsinborgs fyri lítlum ári síðan, men ítróttastjórin hjá Fredrikstad heldur, at skálvíkingurin kortini er verdur at satsa upp á.

 - Hann er so mikið góður, at hann er verdur at satsa upp á, hóast hann hevur havt drúgvar skaðar, sigur ítróttarstjórin í Fredrikstad, Joacim Heier.