- Tíðindi, mentan og ítróttur
Kanska elsta málið í rættarskipanini fyri aftur í Føroya rætti hósdagin
Kanska elsta málið í rættarskipanini fyri aftur í Føroya rætti hósdagin
Eitt rættarmál millum reiðaríið Thor og BankNordik og Fiskimálaráðið, ið byrjaði í 2014, er aftur á rættarlistanum hjá Føroya rætti hósdagin
Træta um fiskiloyvið hjá djúpvatnstrolaranum Phoenix kemur fyri í Føroya rætti hósdagin
17.01.2023 - 09:03
Eitt tað elsta málið, kanska tað elsta, í rættarskipanini er aftur á listanum hjá Føroya rætti hósdagin.
Málið byrjaði í 2014.
Reiðaríið Thor og BankNordik hava stevnt Fiskimálaráðnum, tí eitt skip hjá Thor ikki fekk eitt royndarloyvi at fiska stinglaks.
Djúpvatnstrolarin Phoenix
Føroya Banki keypti djúpvatnstrolaran Phoenix (Fønix) á tvingsilssølu 25.november í 2008, og síðst í 2009 keypti Thor skipið frá bankanum.
Phoenix hevði saman við tveimum øðrum skipum royndarloyvi at fiska stinglaks, áðrenn hann fór á tvang.
Vanligt er, at fiskiloyvi eru við, tá skip verða seld á tvingilsuppboði.
Krav um endurgjald
Í bankanum og í Thor hildu tey eisini, at Phoenix hevði royndarloyvi at fiska stinglaks.
Men har var einki royndarloyvi at fiska stinglaks.
Tí vilja Thor og BankNordik hava endurgjald frá Fiskimálaráðnum og hava Fiskimálaráðið at viðurkenna, at avgerðin um at strika royndarloyvið er ógildug.
Er kopiera
Nýggjastu sendingar í ÚV
Nýggjastu sendingar í SV
