Svensk vitjan avlýst

Turkiski verjumálaráðharrin sigur sambært norska kringvarpið, NRK, at orsøkin til avlýsingina eru anti-turkiskar mótmælisgongur í Svøríki.

Fundurin millum svenska og turkiska verjumálaráðharran skuldi annars vera tann fyrsti millum ráðharrar úr londunum báðum eftir diplomatisku kreppuna, sum kom í kjalarvørrinum av, at ein Erdogan-dukka varð hongd upp eftir høvdinum undir einum mótmælistiltaki í Stockholm.

Roknað verður við mótmælisgongum í Stockholm í dag í sambandi við, at Svøríki hevur søkt um limaskap í NATO.

Tað er henda umsóknin, ið hevur elvt til ósemjurnar millum Svøríki og Turkaland, sum longu er við í NATO og hevur sýtingarrætt har.