Stríðsval um nevndarsessir í sjúkrarøktarfrøðingafelagnum

Fýra sjúkrarøktarfrøðingar bjóða seg fram til nevndarvalið í Felagnum Føroyskir Sjúkrarøktarfrøðingar. 

Freistin at stilla upp var úti 1. februar. 

Tær fýra, sum bjóða seg fram til teir báðar nevndarsessirnar á valinum, eru Ása Samuelsen, Rakul Pállsdóttir Vang, Sylvia Thomsen og Teresa Damgaard-Jarnfoss.

Teresa Damgaard-Jarnfoss er í løtuni næstforkvinna í nevndini, og Ása Samuelsen er nevndarlimur. Rakul Pállsdóttir Vang og Sylvia Thomsen bjóða seg fram fyri fyrstu ferð.

Valið verður talgilt, og úrslitið verður greitt fyri aðalfundin 18. mars.