Fríkendur í máli um sex, ið krevur samtykki

Fyrsta rættarmálið um nýggju revsilógargreinina um, at sex krevur samtykki, endaði við fríkenning.

Ein 31 ára gamal maður var ákærdur fyri at hava neyðtikið eina javnaldrandi kvinnu í Havn tann 4.juni í fjør.

Lógin um sex og samtykki kom 1.juni.

Ákæruvaldið kravdi hálvtriðja ára fongsul.

Lyfti ikki próvbyrðuna

Men Føroya rættur frídømdi mannin. Ákæruvaldið lyfti ikki próvbyrðuna.

Endurgjaldskravið hjá kvinnuni er 60.000 kr.

Ákæruvaldið fer nú at lesa dómin fyri at vita, um málið skal í Landsrættin.