7.000 tons til vinnuligar fiskiroyndir

Fýra feløg, tvey virki og tvey reiðari, hava fingið svartkjaft til vinnuligar fiskiroyndir.

Faroe Marine Products hevur fingið 2.500 tons, og so hava Vestmanna Fiskavirki, Netastovan og Gráastein fingið 1.500 tons í part.

Fiskimálaráðið fekk sjey umsóknir um 16.800 tons. At lata vóru 7.000 tons.

Eftir innanhýsis viðgerð í Fiskimálaráðnum og í samráði við Havstovuna vóru fýra av teimum sjey umsóknunum játtaðar.

Í viðgerðini og raðfestingini er serligur dentur lagdur á menningar- og nýskapanarvirðið í royndunum, sigur Fiskimálaráðið.