Á Breddanum: Dýri biðidagur og Brexit

Fólkatingið tekur í dag endaliga avgerð um at taka dýra biðidag av sum almennan frídag í Danmark.

Stjórnin hevur borið skjótt at, og hóast bæði andstøðan og fakfelagsrørslan hava mótmælt, er lítil ivi um, at málið verður samtykt í dag.

Vit frætta av Christiansborg um politiska rokið, sum hevur verið um hetta málið, og hvat føroysku fólkatingslimirnir gera, tá trýstast skal á atkvøðuknøttin um middagsleitið.

Rishi Sunak og Ursula von der Leyen

Rishi Sunak, forsætisráðharri, og Ursula von der Leyen, forkvinna í ES-nevndini, tá skrivað var undir avtaluna um nýggju rammulógina fyri Norðurírland í gjár. (Mynd: Ritzau Scanpix)

Brexit

10-ára langa søgan um Brexit kom eitt avgerandi fet nærri endanum í gjár, tá bretska stjórnin og ES samdust um eina nýggja brexit-rammulóg fyri Norðurírland.

Hvat ber nýggja avtalan í sær, og hvat hevur Rishi Sunak, forsætisráðharri, megnað at gjørt, sum fleiri forsætisráðharrar undan honum ikki hava megnað?

Síðst í sendingini tosa vit við serfrøðing í russiskum viðurskiftum um støðuna í Evropa eftir eitt ár við kríggi.

Breddin í útvarpinum og á kvf.fo klokkan 10.