Treytaleysa fongulsrevsing fyri at smugla kokain

Føroya rættur dømdi í gjár tveir danir í einum rúsevnismáli.

Teir vóru ákærdir fyri at hava verið við til at smugla 87 gramm av kokaini til Føroya í september í fjør.

Annar maðurin fekk eitt ár og tveir mánaða treytaleysa fongsulsrevsing. Hann umhugsar nú, um dómurin skal skjótast inn fyri Landsrættin.

Hin maðurin fekk eitt árs treytaleysa fongulsrevsing. Hann avgjørdi at skjóta dómin inn fyri Landsrættin alt fyri eitt.

Føroyingur eisini dømdur í málinum

Ákæruvaldið vil lesa dómin, áðrenn støða verður tikin til kæruspurningin.

Ein 29 ára gamal føroyingur er longu dømdur í málinum. 

Hann fekk eitt eitt árs treytaleysa fongsulsrevsing.

Føroyingurin var í Føroya Rætti dømdur fyri at hava smuglað 87 gramm av kokaini og umleið 50 gramm av hassi.

Hann játtaði seg sekan, og málið var tí viðgjørt sum eitt játtanarmál.