Ognartøkan til flogvøllin aftur í rættinum

Ognartøkan til flogvøllin aftur í rættinum
Vága floghavn vil gjalda sama fermetrarprís, sum Landsrætturin ásetti, fyri tað, sum er komið aftrat. Men hagaparturin krevur meira í endurgjaldi.
Hagaparturin hevur stevnt Vága floghavn. Talan er um okkurt um tvær milliónir krónur. (Savnsmynd)
 
31.01.2024 - 09:42

Hagaparturin Ytri Suttringur (Ytri Suðurtriðingur) og partafelagið Vága floghavn eru ikki liðug við ognartøkuna, sum var gjørd, tá flogvøllurin var longdur.

Tey skulu aftur í Føroya rætt í morgin.

Hagaparturin hevur stevnt Vága floghavn. Talan er um okkurt um tvær milliónir krónur.

 

Nú økið er endaliga matrikulerað, er tað 13.000 fermetrar størri, enn metingin segði. (Savnsmynd: Bjarni Árting Rubeksen)

 

13.000 fermetrar størri

Tá ognartøkan var í 2009, var metingin, at ognartikna lendið, har sum grótið til flogvøllin var tikið, var 193.000 fermetrar.

Nú økið er endaliga matrikulerað, er tað 13.000 fermetrar størri, enn metingin segði.

Eystari landsrættur ásetti endurgjaldið í 2016.

Tað var minni enn helvtina av tí, sum hagaparturin kravdi. 

 

Krevja meira

Vága floghavn vil gjalda sama fermetrarprís, sum Landsrætturin ásetti, fyri tað, sum er komið aftrat.

Men hagaparturin krevur meira i endurgjaldi.

Og nú skal Føroya rættur skera ígjøgnum.
 

Er kopiera
Nýggjastu sendingar í ÚV
Týsdag 25. februar
Breddin: Trý ár við kríggi
188252
Týsdag 25. februar
Góðan morgun Føroyar
188242
Týsdag 25. februar
Morgunlestur týsdagur 25. februar 2025
187864
Mánadag 24. februar
Leon Sólheyg: Koyggjan var uppihaldsrúmið
188223
Nýggjastu sendingar í SV
Týsdag 25. februar
Dagur og vika við 3-2 - teknmálstulkað
188272
Týsdag 25. februar
Danny og bussførari
187889
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163