Hevur longu sent hassjdóm víðari

Maðurin, sum á middegi týsdagin fekk 60 daga treytaleysa fongsulsrevsing fyri at smugla og lata hassj, hevur longu skotið dómin inn fyri Eystara landsrætt.

Tað fekk ákæruvaldið at vita í gjár.

Maðurin, sum er 50 ár, er dømdur fyri at smugla 128 gramm og ikki minni enn 150 gramm av hassji til Føroya.

Hann er dømdur fyri í fýra førum at hava latið øðrum hassj, báðu ferðirnar, tá hann smuglaði, og í tveimum øðrum førum.

60 dagar er vanligi dómurin fyri tað, sum maðurin er dømdur fyri.