Tekjan á langhylinum fekk skaða í illveðrinum

Tekjan á langhylinum í Gundadali í Havn fekk skaða í illveðrinum í síðstu viku.

Takpappið loysnaði, og nakað av bjálving á vestursíðuni fór í vindinum.

Ábøtur er gjørdar, og nýtt tilfar er bílagt til umvælingina. Hetta ávirkar tó ikki arbeiðið aðrastaðni í høllini.

Tað er ikki endaliga greitt, hvussu stóran skaða bygningurin hevur fingið, sigur Bergur Rask Olsen, verkætlanarleiðari fyri langhylin hjá Tórshavnar kommunu, sum bíðar eftir, at tryggingin hevur sýnað skaðan.

Tí ber heldur ikki til at siga, um tíðarætlanin heldur, sum sigur, at langhylurin verður liðugur beint eftir summarfrítíðina, sigur Bergur Rask Olsen, verkætlanarleiðari.