Handilsflotin má fáa betri marknaðaratgongd

Skal føroyski handilsflotin vaksa, má marknaðaratgongdin verða betri. 

Millum annað er brúk fyri tvískattaavtalum og loyvi til at sigla millum støð í einum øðrum landi enn Føroyum.

Tað sigur Reiðarafelagið fyri farmaskip í ársfrágreiðingini fyri 2023.

Felagið er til reiðar at hjálpa landsstýrinum við at fáa hetta í lag.Talan er um raðfesting og vilja at fara undir arbeiðið, sigur felagið.

Ringt at fáa skikkað fólk

Reiðarafelagið fyri farmaskip sigur, at ringt er fáa skikkað fólk til skipini, so sum fulltiknar dekkarar og kokkar. 

Felagið vónar, at landsstýrið tekur hesa avbjóðingar í álvara við at gera smávegis tillagingar í  lógarverkinum og endurskoða nakrar treytir fyri útlendsk starvsfólk. 

Tá virka føroysk handilsskip undir somu treytum sum kappingarneytarnir, sigur felagið.