- Tíðindi, mentan og ítróttur
Bildt: Navalnyj hevði verið á lívi, um Putin ikki var
Bildt: Navalnyj hevði verið á lívi, um Putin ikki var
Fyrrverandi svenski uttanríkis- og forsætisráðharrin heldur, at ótti er komin á Kreml upp undir forsetavalið
Carl Bildt sigur, at Navalnyj var ein dugnaligur og djarvur politikkari. (Savnsmynd)
21.02.2024 - 09:04
- Vit fáa ongantíð at vita smálutirnar, men vit vita við vissu, at Navalnyj hevði verið á lívi í dag, um tað ikki var fyri Putin og Kreml.
Tað sigur fyrrverandi svenski uttanríkis- og forsætisráðharrin, Carl Bildt, í samrøðu við svenska kringvarpið.
Aleksej Navalnyj doyði í einum fongsli í Sibiria. (Savnsmynd)
- Hann var dugnaligur og djarvur politikari, og hevði nógva orku, sigur Bildt um russiska andstøðupolitikaran, Aleksej Navalnyj, sum hann hevur hitt nakrar ferðir.
- Navalnyj var av dugnaligastu politikarum í Russlandi. Men Putin ræddist hann, sigur Bildt, sum er ráðgevi í felagsskapinum hjá Aleksej Navalny, The Anti Corruption Foundation.
- Tað, sum er hent seinastu vikurnar, kann geva ábending um, at ótti er komin á Kreml undan forsetavalinum, sigur Carl Bildt:
21022024_Carl_Bildt
Er kopiera
Nýggjastu sendingar í ÚV
Nýggjastu sendingar í SV
