Avgerð um hitapumpur og meirvirðisgjald í dag

Løgtingið fer í dag at atkvøða um meirvirðisgjaldið fyri hitapumpur.

Fíggjarnevndin býtti seg í ein meiriluta og tveir minnilutar, tá hon skrivaði álit um uppskotið hjá landsstýrinum.

Uppskotið hjá landsstýrinum er, at í ár verður alt meirvirðisgjaldið, tá grønar hitaskipanir vera keyptar, afturborið, í 2025 75 prosent, í 2026 50 prosent, í 2027 vera 25 prosent afturborin og síðani einki

Meirilutin, samgonguflokkarnir og Sambandsflokkurin, taka undir við tí.

Beinir Johannesen í Fólkaflokkinum og Steffan Klein Poulsen í Miðflokkinum halda, at nú kann grøna orkuskiftið fremjast uttan so nógvan stuðul úr landskassanum.

Beinir Johannesen heldur, at hálvt endurgjald fyri meirvirðisgjald fyri hitapumpur skal latast næsta ár og frá 2026 einki endurgjald.

Steffan Klein Poulsen heldur ikki, at afturberingarskipanin til hitapumpur skal leingjast eftir 2025.