Eingin lodnuveiða í íslendskum sjógvi

Nú er greitt, at eingin lodnuveiða verður í íslendskum sjógvi í ár.

Liðugt er at leita, og leitingin eftir lodnu gav einki úrslit.

Ísland missir milliardir í útflutningsvirði. 

Føroyska lodnukvotan í íslendskum sjógvi er fimm prosent av heildarkvotuni, sum Ísland, Grønland og Noreg áseta, men tó í mesta lagi 30.000 tons.

Í ár er eingin kvota ásett.