ECB: Leiðandi rentan verður óbroytt

Evropeiski miðbankin heldur fast um leiðandi rentuna upp á fýra prosent.

Tað er fjórðu ferð á rað, at ECB ikki hækkar rentuna. Seinast var í januar.

- Dagsins tíðindi frá ECB, um at leiðandi rentan verður óbroytt, er júst sum vit væntaðu. Sostatt verða ikki størri inntriv á rentumarknaðinum, sigur Tore Stramer, búskaparfrøðingur, í Dansk Erhverv, sambært Ritzau.

So hvørt sum Evropeiski miðbankin hevur hækkað rentuna, hevur dansk tjóðbankini eisini hækkað rentuna. Tí hava vit sæð saman mynstur í føroysku peningastovnunum. 

Tíggju ferðir hevur Evopeiski miðbankin boðað frá rentuhækkingum.

Fyrstu ferð var í juli 2022, tá ECB hækkaði rentuna fyri fyrstu ferð í 11 ár, og seinast var í september í fjør. 

Eftir fleiri ár við rentuhækkingum, orsakað av inflatión í samfelagnum, er sannlíkt, at rentan fer at lækka aftur í næstum, segði Malan Johansen, landsbankastjóri, við útvarpið í februar í ár.