Varðveita ískoytið men lønirnar hækka ikki

Kostnaðarískoytið, sum er 2.000 kr. skattafríar um mánaðin, verður varðveitt í uppskotinum hjá meirilutanum í formansskapinum í løgtinginum um lønirnar hjá løgtingsfólki.

Tað mæltu tey, sum gjørdu uppskot um nýggja lønarskipan hjá løgtingsfólkum, annars til at strika.

Men tey mæltu eisini til at hækka lønina.

Lønarhækking er heldur ikki við í uppskotinum hjá meirilutanum.

Tað einasta, sum er við í uppskotinum hjá meirilutanum, er tilmælið um at lata tingfólkum somu eftirløn sum onnur, 15 prosent.