Noreg fer eisini at brúka tvey prosent av BTÚ til verjuna

Norska stjórnin ætlar, at Noreg longu í hesum árinum skal brúka tvey prosent av bruttotjóðarúrtøkuni til verjuna.

Tað boðar norski forsætisráðharrin, Jonas Gahr Støre, frá í dag. 

Sostatt fer Noreg at lúka málið hjá Nato um, at limalondini brúka í minsta lagi tvey prosent av bruttotjóðarúrtøkuni til verju og trygd.

Sambært NRK merkir tað fleiri milliardir aftrat til norsku verjuna.

- Trygdarpolitiska støðan er broytt, sigur norski forsætisráðharrin:

Fráboðanin hjá norsku stjórnini kemur dagin eftir, at danska stjórnin upplýsti at Danmark longu í ár og næsta ár fer at brúka 2,4 prosent av bruttotjóðarúrtøkuni til verjuna í ár og næsta ár.