Svenska stjórnin hevur tíðindafund um trygdarstøðuna

Svenska stjórnin boðar í dag í skundi til tíðindafund um "trygdarstøðuna" í landinum. 

Tað skrivar stjórnin á heimasíðu síni.

Á tíðindafundinum vera Ulf Kristersson, forsætisráðharri, Maria Malmer Stenergard, uttanríkisráðharri, Pål Jonson, verjumálaráðharri, og Gunnar Strømmer, løgmálaráðharri.

Tíðindafundurin er klokkan eitt í dag á stjórnarskrivstovunum í Stokkhólmi.

Onnur lond ávara um hóttanir

Hetta hendir eftir at Danmark, Týskland, Pólland og fleiri onnur evropisk lond seinastu vikurnar hava ávarað um størri hóttan móti vesturheiminum og NATO úr Russlandi.

Í Danmark hendi hetta 24. september, tá danski verjumálaráðharrin, Jeppe Bruus, millum annað ávaraði um vandan fyri álvarsligum hendingum í Danmark. 

Hetta hendi á tíðindafundi um nýggju metingina hjá fregnartænastuni hjá donsku verjuni um hóttanarstigið, skrivar TV2.