BankNordik fer nú aftur at eita Føroya Banki

BankNordik fer nú aftur at eita Føroya Banki
Tíðin er búgvin til at fara aftur til góða, upprunaliga navnið, siga nevndin og leiðslan í bankanum
BankNordik verður nú aftur Føroya Banki. (Savnsmynd)
 
15.03.2024 - 14:28

BankNordik skiftir navn, og fer nú aftur at eita Føroya Banki.

Tað boðar bankin frá í tíðindaskrivi.

Bankin sigur, at nevnd og leiðsla eru samd um, at tíðin er búgvin til at fara aftur til góða, upprunaliga navnið, og sostatt fer samtakið nú undir eina tilgongd at broyta navnið.

Hóast samtakið í dag boðar frá broytingini, fer navnabroytingin at henda so líðandi.

Til dømis fer BankNordik at standa á gjaldskortum, til kortið gongur út, og kundin fær eitt nýtt gjaldskort. Haraftrat fer Banknordik eisini at standa á skjølum, avtalum, skeltum o.ø., ið sum frá líður verða broytt.

Bankin sigur, at deildin í Grønlandi fer at eita BankNordik enn, men eftir ætlan fær deildin nýtt navn seinni í ár.

Formliga skiftir samtakið og sjálvur bankin navn, meðan dótturfeløgini Trygd, Skyn og NordikLív halda fram við somu nøvnum.

Hóast deildin í Grønlandi broytir navn seinni í ár, verður hon tó partur av Føroya Banka-samtakinum.
 

Er kopiera
Nýggjastu sendingar í ÚV
Leygardag 11. januar
Jambalaja - 110125
186171
Leygardag 11. januar
2. Upp á tá - 100125
186170
Leygardag 11. januar
Vikan 11. januar 2025
186164
Leygardag 11. januar
Morgunlestur leygardagur 11. januar 2025
185733
Nýggjastu sendingar í SV
Leygardag 11. januar
Nýggjárskonsertin 2025
186182
Fríggjadag 10. januar
Dagur og vika - teknmálstulkað
186125
Fríggjadag 10. januar
Veðrið
186150
Hósdag 9. januar
Andaktin
186081
Hósdag 9. januar
Andaktin
186079