Noreg herðir tiltøk móti Russlandi

Noreg setur nú uppaftur fleiri tiltøk í verk móti Vladimir Putin, forseta, og russiska stýrinum.

Tiltøkini koma í gildi í dag.

- Russiska kríggið móti Ukraina er álvarsligt brot á fólkarættin. Vit standa aftur saman við ES , nú vit seta nýggj tiltøk í verk ímóti Russlandi, sigur norski uttanríkisráðharrin, Espen Barth Eide. 

Hann sigur, at í nýggja pakkanum við tiltøkum verður dentur lagdur á innflutnings- og útflutningsbann móti Russlandi, at forða fyri at Russland smoyggir sær undan tiltøkunum, og at tetta smogur, sigur norski uttanríkisráðharrin.

Møguleikin fyri handilssamstarvi við Russland er nú nógv avmarkaður og hevur stóran váða við sær, skrivar norska kringvarpið.