Hiddenfjord fingið altjóða góðkenning fyri burðardygga aling

Alifyritøkan Hiddenfjord hevur fingið altjóða góðkenning fyri burðardygga aling frá BAP, ið stendur fyri Best Aquaculture Practice.

Við góðkenningini av smoltstøðini á Fútakletti hevur Hiddenfjord nú fýra BAP-stjørnur, sum er fremsta góðkenning frá BAP.

BAP-góðkenningin umrøður fýra høvuðsevni í ábyrgdarfullari aling av fiski og sjógæti, sum eru umhvørvi, samfelag, matvørutrygd og djóraheilsa og -vælferð.

Stóran týdning

- Frá kundum okkara vita vit, at BAP-góðkenningin hevur stóran týdning og virkar sum trygd fyri, at alingin fer fram á rættan og burðardyggan hátt, sigur Óli Hansen, sølustjóri í Hiddenfjord. 

- At fáa fjórðu stjørnuna er ikki bara eitt avrik, men vísir eisini á okkara áhaldandi stremban eftir bestu góðsku og burðardygd, sigur hann.

Hiddenfjord er fyrsta alifyritøka í Føroyum, sum hevur ovastu BAP-góðkenning.