Vit mugu krevja meira burðardygd í byggivinnuni

Seinastu árini eru føroyingar farnir at hugsa nógv um burðardygd í sambandi við orkunýtslu í bygningum, men burðardygd í sjálvari byggingini hevur enn ikki verið á breddanum

Krøvini til burðardygd í føroyskari húsabygging eru alt ov lin, heldur formaðurin í Ráðgevarafelagnum

Mynd: Tilvildarlig mynd

Emil Lisberg Jacobsen

31.03.2024 - 18:25

Árni Jakobsen, formaður í Ráðgevarafelagnum, sigur, at hóast vit í dag hugsa nógv meir um burðardygd í orkunýtslu í húsum og bygningum, enn vit gjørdu fyrr, so verður næstan einki hugsað um burðardygd í sjálvari byggingini.

Kanningar vísa, at yvir eitt 50 ára skeið stava 70 prosent av CO2-útlátinum hjá einum bygningi frá sjálvari byggifasuni og smávegis viðlíkahaldi seinni - bert 30 prosent av útlátinum stava frá orkunýtslu hesi 50 árini eftir, at bygningurin er liðugur.

Byggikunngerðin BK17 treingir til dagføring, og so eiga myndugleikarnir eisini at seta eina skipan í verk við orkumerking av sethúsum og vinnubygningum, heldur Árni Jakobsen.

Hoyrið tíðindainnslag við Árna Jakobsen her:

Arni_Jakobsen_burdardygd_innslag