- Tíðindi, mentan og ítróttur
Prísurin fyri sethús nærum tvífaldaður seinastu 10 árini
![](https://kvf.fo/sites/default/files/styles/grein-ovasta-mynd/public/sethus_i_havn.jpg?itok=EBJ7SrkH)
Miðalprísurin fyri sethús í Føroyum er nærum tvífaldaður seinastu 10 árini.
Í 2013 var miðalprísurin 1,3 milliónir krónur. Í 2023 var hann 2,7 milliónir krónur.
Prísurin í Havn lækkaður í ár
Miðalprísurin fyri sethús í Havn og fyri størri bygdir og býir er lækkaður nakað frá 2022 til 2023.
Men í smærri bygdum er prísurin hækkaður.
Sethúsasølan er gjørd upp eftir prísi, tali og staði.
Tølini stava frá tinglýsingum
Betri Banki ger yvirlitið yvir prísirnar í bústaðahandli í Føroyum hvønn ársfjórðing.
Tølini yvir bústaðakeyp- og -sølur stava frá almennu tinglýsingini, har allir handlar verða skrásettir.
Prísirnir eru viðgjørdir á slíkan hátt, at teir geva eina mynd av kostnaðinum, sum vanligir bústaðir verða keyptir og seldir fyri. Tølini verða so at siga “sáldað”, skrivar Hagstovan.