Stjólu 30 milliónir dollarar í reiðum peningi

Størsta rán í søguni var sunnukvøldið í Los Angeles, har tjóvar skulu hava stolið 30 milliónir dollarar í reiðum peningi úr eini peningagoymslu. 

Tað svarar til meira enn 200 milliónir krónur.

Tjóvarnir sluppu inn í bygningin gjøgnum tekjuna, siga lokalir myndugleikar.

Eingi tekin eru um innbrot á loftinum, og tað er ógreitt, hvussu tjóvarnir sluppu uttan um ávaringarskipanina. 

Eingin visti um ránið fyrr enn mánadagin.

Løgreglan og FBI kanna málið, men eingin er handtikin fyri innbrotið enn.

- Goymslan fyri reiðan pening er í Sylmar-økinum í San Fernando-dalinum, og verður brúkt til at goyma reiðan pening hjá fyritøkum í økinum, sigur Elaine Morales, løgregluovasti.