Bilførari rýmdi av staðnum

Politiið fekk í nátt klokkan 3.30 eina fráboðan um, at ein bilur hevði rent á tveir garðar og eini hús á Ternuryggi í Havn.

Tá ið politiið kom á staðið, var førarin var ikki í bilinum, sum var illa farin, og illgruni var um rúsdrekkakoyring.

Eftir at hava leitað eftir bilføraranum í allan morgun, eydnaðist um níggjutíðina at finna hann og taka hann við á støðina.

- Blóðroynd skal takast og maðurin avhoyrast, sigur vakthavandi á Politistøðini í Havn.