KÍF-liðskiparin: "Hetta hevur alt at siga fyri hondbóltin í Kollafirði"

"Ein fantastisk kensla," staðfesti KÍF-liðskiparin Tony Weyhe eftir spennandi triðju hálvfinaluna móti VÍF í gjárkvøldið, tá kollfirðingar spældu seg í FM-finaluna við 21-20 sigri á vestmenningum.

Triðja hálvfinalan var bæði dramatisk og spennandi, og tað var ikki fyrr enn í triðsíðsta sekundi, at Tony Weyhe fekk skotið avgerandi málið. 

"Hetta hevur alt at siga fyri hondbóltin í Kollafirði. Hondbólturin er hjartað í Kollafirði, og mann sær, hvussu tað savnar bygdina."

Verjurnar vera avgerandi

Í FM-finaluni standa hoyvíkingar og bíða eftir kollfirðingum, og Tony Weyhe væntar sær eins harðar og spennandi finalur, sum hálvfinalurnar móti VÍF. 

"Tað eru marginalar, ið avgerða dystin í dag, og tað kundi líka so væl verið VÍF sum stóð í finaluni, men vit vilja tað veruliga í dag."

Tony Weyhe væntar, at tað verða verjurnar, ið fara at avgera, hvør vinnur FM.

"Tað eru tvær verjur, ið ikki lata nógv mál inn," staðfesti KÍF-kempan.