Nú skal heilsutrygdargjaldið samsvara við norðurlendskan sáttmála

Løgtingið tekur undir við, at heilsutrygdarlógin verður broytt, so samsvar verður millum hana og "nordisk konvention om social sikring" um heilsutrygdargjald. 

Heilsumálaráðið eigur uppskotið, og trivnaðarnevndin hjá løgtinginum tekur undir við tí.

Í næstu tingsetu kemur lógaruppskot, so teir útisiglarar, sum hava goldið heilsutrygdargjald av órøttum, kunnu fáa pengarnar aftur.

Útisiglarar fingu viðhald í bæði kærunevnd, Føroya rætti og Landsrættinum.

Tá Heilsutrygd ætlaði í Hægstarætt við málinum, fekst ikki loyvi frá Procesbevillingsnævnet til tess.