Johan Dahl: "Um eg ikki hevði lisið, hevði eg knekkað"

Johan Dahl: "Um eg ikki hevði lisið, hevði eg knekkað"
Tað sigur Johan Dahl, sum, einaferð tá ið á stóð, gav upp og segði við Jesus, at nú mátti hann ráða. Johan Dahl og Hjørdis Háberg Petersen eru gestir í "Skrivað stendur".
 
17.05.2024 - 07:41

- Eg minnist, at tað gekk veruliga illa, og eg var við at missa alt. Tá las eg eina bók av einum amerikanskum prædikumanni, har hann umtalaði júst hetta, sum teksturin vit viðgera í dag, snýr seg um. Tað at trúgva, lata heilaga andan virka og leggja alt í Harrans hendur. Eg kendi eina troyst í tí, tá eg gjørdist greiður yvir, at tá tú hevur gjørt tað, tú kanst, so mást tú sleppa skútuni og lata Jesus stýra, og tað gav mær ein frið, sigur Johan Dahl í sendingini Skrivað stendur. Hann er gestur saman við Hjørdis Háberg Petersen.

- Og tað er júst tað, sum er fantastiskt, tí tað er ikki bara teori - tað virkar, sigur Hjørdis. Tá ið eg var 22 ára gomul og var við barn í sjeynda mánaði, fekk eg blóðtøpp í heilan og gjørdis lamin í høgru síðu. Tað var ræðuligt. Vit bóðu um, at Jesus skuldi koma og hjálpa okkum. Tá merki eg ein frið koma inn, tað er sovorin friður, sum mann ikki ordliga kann forklára, greiðir Hjørdis frá.

- Eg minnist, at grannskoðarin sigur við meg: Johan, eg skilji ikki, at tú ikki langt síðan ert farin niður við strongd, tí tað var so øgiliga nógv og belastandi. Eg sigi við hann, at eg hevði lisið ein bók, sum byggir á bíbliuna, og um eg ikki hevði lisið hetta, so hevði eg knekkað. Tí trúgvi eg, at tað hevur týding at lesa, biðja og trúgva upp á, at Jesus er við okkum altíð, sigur Johan Dahl frá.

Hvat: "Skrivað stendur"
Hvar: Í útvarpinum og á KVF ljóð
Nær: Í dag, fríggjadagin, kl. 11.00 og sunnumorgun kl 10.00 

Er kopiera
Nýggjastu sendingar í ÚV
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762

Meira um sama evni