Fimm mánaða treytaleysa fongsulsrevsing fyri harðskap og hóttanir

Maðurin, sum var ákærdur fyri endurtiknan harðskap og hóttan eftir lívinum, er nú eisini dømdur fyri brotsverkini.

Hann fekk í Føroya rætti í gjár fimm mánaða treytaleysa fongsulsrevsing.

Maðurin bað um tíð at umhugsa, um hann skal fara í Landsrættin við málinum.

Hann gjørdi seg inn á fýra ungar menn sunnumorgunin 14. apríl í Klaksvík. Millum annað hótti hann við felliknívi.

Missir knívin

Løgreglan fann seinni knívin á vágni í Klaksvík.

Føroya rættur avgjørdi, at hann skal missa knívin.

Maðurin, sum hevur verið varðhaldsfongslaður síðani 16. apríl, var latin leysur í gjár.

Maðurin játtaði, at hann vara staðnum 14. apríl, men hann noktaði seg sekan í ákærunum.