Rannvá Isaksen nýggj forkvinna í Vinnulívsráðnum

Rannvá Isaksen er nýggj forkvinna í Vinnulívsráðnum í Klaksvík.

Vinnulívsráðið hevði í gjár árliga aðalfundin í Varpinum. Formaðurin seinastu seks árini, Jan Petersen, tók ikki við afturvali, og í hansara stað varð Rannvá Isaksen vald.

Frimodt Rasmussen varð afturvaldur í nevndina, og Kjartan Hansen og Pætur Gerðalíð vórðu valdir sum tiltakslimir.

Eftir fundin skipaði nevndin seg við Rannvá Isaksen sum forkvinnu og Frimodt Rasmussen sum næstformanni. Hini í nevndini eru Elsubeth Poulsen, Rani Nolsøe og Heini Hansen.