- Tíðindi, mentan og ítróttur
Verkafólk hava fingið stóran part av reallønarmissinum aftur
Verkafólk hava fingið stóran part av reallønarmissinum aftur
Keypiorkan hjá verkafólkum verður umleið tann sama, sum hon var, áðrenn prísvøksturin tók dik á seg, sigur adjunktur í búskaparfrøði á Setrinum
Nýggi sáttmálin millum arbeiðarafeløgini og arbeiðsgevararnar hevur við sær, at keypiorkan verður umleið tann sama, sum hon var, áðrenn prísirnir fóru at hækka munandi.
Mynd: Bjarni Árting Rubeksen
10.06.2024 - 13:14
- Við 13 prosentum í lønarhækking og lønarlyfti fáa verkafólk ein stóran part av reallønarmissinum aftur.
Tað sigur Tróndur Møller Sandoy, adjunktur í búskaparfrøði á Søgu- og samfelagsdeildini á Fróðskaparsetrinum.
Prísvøksturin seinastu tvey árini hevur verið 10 prosent.
Mynd: Bjarni Árting Rubeksen
Keypiorkan hjá verkafólki verður umleið tann sama, sum hon var, áðrenn prísvøksturin tók dik á seg. Og í løtuni bendir nógv á, at tamarhald er fingið á inflatiónini.
Hoyr samrøðu við Trónd Møller Sandoy, adjunktur í búskaparfrøði, í útvarpstíðindunum:
10062024_Trondur_M__Sandoy
Mynd: Bjarni Árting Rubeksen
Nýggi sáttmálin
Talan er um tvey ára sáttmála.
Arbeiðarafeløgini siga, at sáttmálin um lønarlyft og lønarhækking gevur limum teirra 16,80 kr. um tíman, - tvs. 8,46 kr. fyrra árið og 8,34 kr. seinna árið.
Hetta eru 13 prosent.
Hetta eru 13 prosent.
Serstaka lønarlyftið merkir, at 1. mai í ár hækkar tímalønin 3,75 kr. Og 1. mai næsta ár hækkar hon 3,50 kr.
0,8 prosent koma á eftirlønina 1. januar næsta ár, so hon verður 12 prosent.
Verkfallið vardi í fýra vikur.
Mynd: Bjarni Árting Rubeksen
Er kopiera
Nýggjastu sendingar í ÚV
Nýggjastu sendingar í SV
