Úrslitið av fólkaatkvøðuni fyri bygdaráðið mánadagin

Tað verður ikki fyrr enn á regluliga bygdaráðsfundinum mánadagin, at bygdaráðið í Hvalba tekur endaliga støðu til úrslitið av fólkaatkvøðuni um at leggja Tvøroyrar kommunu og Hvalbiar kommunu saman.

Endaliga úrslitið av fólkaatkvøðuni gjørdist, at í Hvalbiar kommunu atkvøddu 220 nei og 189 ja. 54 prosent vóru fyri samanlegging og 46 prosent ímóti. 

Og 93 prosent* av teimum, sum høvdu rætt at atkvøða í Hvalbiar kommunu, nýttu høvið til at seta sín kross.

Í Tvøroyrar kommunu var luttøkan ikki so stór, 62 prosent. Av teimum søgdu 632 ja til samanlegging, og 222 søgdu nei.

Prosentbýtið her var 74 prosent ja og 26 prosent nei.
 

*Rætting 16. juli 2024: Valluttøkan í Hvalba var 81,3 % og ikki 93 %, sum annars stendur í greinini.