Trygd: Tryggingartakarin skal kenna treytirnar í sambandi við spreinging

Trygd: Tryggingartakarin skal kenna treytirnar í sambandi við spreinging
Tryggingarfelagið hevur sent fólki í Hoyvík kunningarskriv um møguligar skaðar, sum kunnu verða elvdir av spreingingum
Spreingingar í sambandi við arbeiðið at gera innkomuvegin til Havnar hava seinastu tíðina loypt hvøkk á fólk, sum búgva Millum Gilja í Hoyvík. (Savnsmynd: Bjarni Árting Rubeksen)
 
24.06.2024 - 13:02

"Góði Trygd-kundi

Seinastu tíðina hava spreingingar verið í økinum kring tíni sethús, sum eru tryggjað í Trygd, og spreingingarnar eru ikki lidnar enn."

 

Soleiðis byrjar teldupostur, sum Trygd fríggjakvøldið sendi kundum sínum Millum Gilja í Hoyvík. Talan var um eitt kunningarskriv í sambandi við spreingingar har á leiðini.

Spreingingar í sambandi við arbeiðið at gera innkomuvegin til Havnar hava seinastu tíðina loypt hvøkk á fólk, sum búgva Millum Gilja í Hoyvík.

 

Anna Holm er stjóri í Trygd.

 

Veita endurgjald

Trygd sigur seg vilja veita endurgjald fyri allar skaðar, sum eru fevndir av okkara tryggingum og greiðir tí frá krøvum, sum skulu vera lokin, áðrenn endurgjald verður veitt fyri skaðar, sum eru hendir av spreinging.

Millum annað skal kunna vísast nágreiniliga á, nær spreingingin var, og at skaðin hendi í júst tí spreingingini. Myndir skulu sendast Trygd av bygningslutinum, sum er tikin, stutt áðrenn skaðin hendi.

Í skrivinum verður staðiliga mælt teimum, sum búgva í øki, har sprongt verður, til at taka myndir av húsaveggjum innan og uttan, húsagrund, flisagólvi, lofti, garði, úthúsum og øðrum á matriklinum, sum kann vera í vanda, um óhappið skuldi rakt tína ogn.

Soleiðis ber til at skjalprógva, hvørjum standi ognin var í, áðrenn skaðin hendi.

Anna Mohr Holm er stjóri í Trygd:

 

24062024_Anna_Mohr_Holm


 

Er kopiera
Nýggjastu sendingar í ÚV
Leygardag 28. september
Upp á tá - 270924
181358
Leygardag 28. september
Jambalaja - 280924
181352
Leygardag 28. september
Vikan 28. september 2024
181343
Leygardag 28. september
Morgunlestur leygardagur 28. september 2024
180897
Nýggjastu sendingar í SV
Fríggjadag 27. september
Veðrið
181326
Fríggjadag 27. september
Bass Elvis og Jesus á Mallorka
180593
Fríggjadag 27. september
Dagur og vika - teknmálstulkað
181280
Týsdag 24. september
Veðrið - teknmálstulkað
181172
Týsdag 24. september
Dagur og vika - teknmálstulkað
181171