Leigusáttmálin um Tjóðleikhúsið aftur fyri býráðið í dag

Málið um Tjóðleikhúsið á Eystaru Bryggju í Havn kemur aftur til viðgerðar á eyka býráðsfundi seinnapartin.

Leigusáttmálin um økið, har Tjóðleikhúsið skal vera, skuldi annars avgreiðast 20. juni, men málið bleiv brádliga tikið av skránni, tí semja var ikki í býráðsmeirilutanum um tað.

Ósemja er í býráðsmeirilutanum, um Tjóðleikhúsið í heila tikið skal vera á Eystaru bryggju.

Millum annað hava varaborgarstjórin og formaðurin í mentanarnevnini, Annfinn Brekkstein, og formaðurin í havnarnevndini,Kári Johansen, talað at ætlanini.

Kári Johansen segði soleiðis við útvarpið 17. apríl:

Tjóðleikhús, farstøð í Havn, eystara bryggja í Havn

Tað er á hesum økinum á Eystaru bryggju, at ætlanin er at byggja nýggja Tjóðleikhúsið.

Heðin Mortensen, borgarstjóri, sigur hinvegin, at meðan bygt verður, verður tørvur á umleið 6.000 fermetrum.
 
Eftir málið var tikið av skrá 20. juni, segði Heðin Mortensen, borgarstjóri, við útvarpið, at hann hóast alt væntaði at fáa semju um Tjóðleikhúsið:

Endurrinda foreldragjald

Á eyka býráðsfundinum í dag, fer býráðið eisini at taka støðu til,  um foreldur skulu fáa endurrindað foreldragjaldið fyri tíðarskeiðið, dagstovnarnir vóru stongdir undir verkfallinum í mai og juni.

Umsitingin væntar, at hetta fer at kosta umleið eina millión og 750.000 kr.

Býráðsfundurin verður kl. 16.30.