Bakkafrost og Varðin Pelagic brúktu fiskavirkisskipanina mest

Bakkafrost er ovast á listanum hjá teimum, sum brúktu fiskavirkisskipanina hjá ALS í fjør.

Góðar 8,1 millión krónur fingu fólk hjá Bakkafrosti fyri 81.811 tímar.

Síðani kemur Varðin Pelagic við sløkum fimm milliónum og 47.378 tímum.

Pelagos Kollafjørður fær slakar tvær milliónir krónur og 19.259 tímar.

263.945 tímar vóru í skipanini í fjør, og 26 virki vóru í skipanini í fjør.

28 mió. kr.

Fyri fyrstu ferð hevur ALS goldið meira til fiskavirkisskipanina enn í vanligum arbeiðsloysisstuðli. 

28,3 milliónir krónur fóru til fiskavirkisskipanina í fjør.

Vanligur arbeiðsloysisstuðul var 26,9 mió. kr.

ALS kom í 1992, og hesi 31 árini, fiskavirkisskipanin hevur virkað, eru goldnar slakar 653 mió. kr. til starvsfólk á fiskavirkjum.