Andorra - Føroyar: Nýggj kvinna í málinum

Óluva Allansdóttir Joensen og Durita Hummeland eru nýggjar í uppstillingini hjá føroyska fótbóltslandsliðnum við kvinnum, sum spælir ímóti Andorra um slakan tíma.

Málverjin í sigrinum á Montenegro, Valborg Østerø, og vongbakkurin, Lea Lisberg, fara út á beinkin. Annars er liðið til seinasta undankappingardystin í hesum umfarinum hitt sama, sum spældi á Tórsvølli fríggjadagin.

Óluva Allansdóttir Joensen verður í mál, og verjuna manna Jensa Tórolvsdóttir, Tórunn Joensen, Birita Ryan, Sunniva Willemoes og Durita Hummeland. Á miðvøllinum frá byrjan vera Eyðvør Klakstein, Sanna Svarvadal, Ásla Johannesen og Fridrikka Clementsen, og í álopinum verður Heidi Sevdal.

Á bonkinum sita Valborg Østerø, Malena Olsen, Rebekka Benbakoura, Julia Naomi Mortensen, Mona Rasmusdóttir, Anna Carolina Brændstrup, Tóra Mohr, Petra Hoydal, Anna Katrina Mikkelsen, Rúna Jacobsen og Lea Lisberg.

Undan síðsta umfari í bólkinum er Grikkaland fremst við 13 stigum. Montenegro hevur 10 stig, síðani koma Føroyar á 3. plássi við seks stigum, og aftast er Andorra, ið framvegis hevur fyrsta stigið til góðar.

STROYMING: Dysturin ímóti Andorra kann stroymast her