Neyðugt at royna okkurt øðrvísi, fyri at tryggja heilsutænastur á Tvøroyri

Eingin kommunulækni er í føstum starvi í norðaru helvt av Suðuroynni.

Men Margit Stórá, landsstýriskvinna í heilsumálum, hevur ítøkiligar ætlanir um, hvussu trupulleikin skal loysast.

"Tað verður neyðugt at hugsa øðrvísi, fyri at tryggja fólk á Tvøroyri heilsutænastur á sama støði sum restina av landinum. 

Í gjár legði heilsumálaráðið uppskot til hoyringar um, at skipa heilsutænastur í nærumhvørvinum hjá borgarum. Málið við lógini er, at heilsutænasturnar skulu verða á sama høga dygdarstøði kring alt landið.

Men í lógini eru eisini tól, sum kunnu brúkast til at loysa trupulleikan við væntandi kommunulæknum á læknamiðstøðini á Tvøroyri.