Brúkaraumboðið: Nema skal halda marknaðarføringslógina

Brúkaraumboðið: Nema skal halda marknaðarføringslógina
Brúkaraumboðið sigur, at televeitarin Nema hevur framt brot á góðan marknaðaføringssið, tí Nema hevur eggjað einum 7. flokki at hjálpa sær at fáa fleiri kundar
Savnsmynd
Mynd: Bárður Veihe  
 
07.08.2024 - 12:42

Brúkaraumboðið hevur heitt á Nema um at tryggja, at marknaðarføringslógin verður hildin framhaldandi.

Brúkaraumboðið sigur, at televeitarin hevur framt brot á góðan marknaðaføringssið og virkað í stríð við grein 8 stk. 1, sum snýr seg um marknaðarføring, ið vendir sær til børn og ung. 

Vinnurekandi mugu í útgangsstøði ikki brúka børn og ung í sølu- og marknaðarætlanum. Heldur ikki mugu børn og ung brúkast til at fáa vinir, foreldur ella onnur til at keypa ávísar vørur ella tænastur, sum tey ungu fáa ágóðan av.

 

Eggjaðu einum 7. flokki at skaffa kundar

Málið snýr seg um eitt skriv frá Nema til 7. flokkar í Vágs-, Porkeris- og Sumbiar skúla. 

Í skrivinum verða ung í 7. flokki eggjað til at hjálpa Nema við at fáa fleiri kundar. 

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Hetta verður gjørt á tann hátt, at um ein kundi flytir haldið hjá sær til Nema, so fer virðið av mánaðarliga gjaldinum beinleiðis til flokkin.

Orsøkin til skrivið var, at Nema hevði fingið eina umsókn um stuðul frá einum av foreldrunum, sum vildi savna pening fyri flokkin í sambandi við námsferð.


Rannvá Sólheim, Brúkaraumboð

 

Nema vildi ikki geva beinleiðis fíggjarligan stuðul, men bjóðaði í staðin fram alternativar mátar, har tey í samstarvi við Nema kundu savna pening til námsferðina. 

- Tað er brot á marknaðarføringslógina, sigur Rannvá Sólheim

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Brúkaraumboðið ger kortini ikki meira við málið, tí Nema hevur víst á, at talan er um eitt mistak, at skrivið var stílað til børnini, tí tað var ætlað foreldrunum. Og Nema tók skrivið aftur beinanvegin, sigur Brúkaraumboðið. 

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844