Kemur fyri at fólk við sálarligum trupulleikum sova í varðhaldinum

Tað kemur fyri, at fólk við stórum sálarligum trupulleikum sova í varðhaldinum hjá løgregluni, tí tey eru so illa fyri. Tað sigur Sten Nørskov, chefpolitiinspektørur.

"Tað er tó altíð ein lækni, ið metir um, hvørt viðkomandi er nóg væl fyri til at yvirnátta í varðhaldinum ella um tey skulu inleggjast," leggur hann afturat. 

Í fleiri ár hevur verið tosað um, at vit mangla eina psykiatriska skaðastovu í Føroyum, sum fólk, ið fáa trupulleikar uttanfyri vanligu arbeiðstíð, kunnu fáa hjalp. Men enn er hon ikki komin. 

Í vár var politiska loysnin, at vaktlæknin varð útbygdur við telefonlinju til psykiatriska depilin. Men javnan hoyra vit um fólk, ið eru so illa fyri sálarliga, at løgreglan má senda servand løgreglufólk eftir viðkomandi. 

Men hvørjar eru mannagongdirnar, tá løgreglan fer eftir fólki, sum eru so illa fyri sálarliga, at tey eru til ampa fyri kringumstøðurnar?

Tað hava vit spurt Sten Nørskov, chefpolitiinspektør, um.