Tíðin hjá SAS sum børsskrásett fyritøka endar í dag

Í dag er seinasti dagur hjá norðurlendska flogfelagnum SAS sum børsskrásett fyritøka.

Tá keypsskálin letur aftur klokkan 16, ber ikki longur til at keypa og selja partabrøv hjá SAS.

Tað skrivar DR.

Bjargingarætlan

Tað er liður í eini bjargingarætlan, sum hevur til endamáls at skipa felagið av nýggjum, so tað kann bera seg fíggjarliga. 

Í 2022 bað SAS um konkursverju í USA, tí flogfelagið ikki megnaði at rinda sínum lánsveitarum.

Nýggir eigarar

Á heysti í fjør fekk flogfelagið nýggjar eigarar. 

Amerikanska íløgufelagið Castlelake, danski staturin, flogfelagið Air France-KLM og danska íløgufelagið Lind Invest eiga nú SAS.

Tað hevði samstundis við sær, at SAS ikki longur skal vera ein børsskrásett fyritøka.

Tey, sum eiga partabrøv í SAS, hava fingið at vita, at tey einki fáa fyri partabrøvini, um tey framvegis áttu partabrøv, nú fyritøkan fer av keypsskálanum.