Tingbólkurin hjá danska Vinstraflokkinum heldur summarfund í Føroyum

Fyri fyrstu ferð í 15 ár heldur tingbólkurin hjá danska Vinstraflokkinum summarfund í Føroyum.

Summarfundurin verður í døgunum 15. til 18. august. Tað er frá hósdegnum til sunnudagin.

Anna Falkenberg, føroyskur fólkatingslimur fyri Sambandsflokkin og partur av tingbólkinum hjá Vinstra, er vertur fyri vitjanini.

Fyrstu ferð síðani 2009

Allur tingbólkurin kemur til Føroya, eisini ráðharrarnir.

Vinstri hevur tvær ferðir áður hildið summarfund í Føroyum. Fyrru ferð var í 1992, tá Uffe Ellemann-Jensen var formaður, og seinnu ferð var í 2009. Tá var Lars Løkke Rasmussen formaður í Vinstra.

Stundir verða eisini til annað enn politikk á ferðini í Føroyum. Millum annað verður skipað fyri fótbóltsdysti millum Vinstra og Sambandsflokkin.