21 ára gamal maður fyri nevningating 2. september ákærdur fyri neyðtøkur

Ein 21 ára gamal maður er nú ákærdur fyri neyðtøkur.

Hann skal í nevningating í Føroya rætti mánadagin 2. september. Allir dagar í teirri vikuni eru settir av til nevningatingið.

Nevningating er, tá kravið hjá ákæruvaldinum er minst fýra ára treytaleys fongsulsrevsing.

Tikin í oktober í fjør

Í síðstu viku avgjørdi Føroya rættur, at maðurin skal vera fýra vikur aftrat í varðhaldinum. 

Maðurin var tikin í oktober í fjør og hevur verið í varðhaldi síðani.

Maðurin er ákærdur fyri fleiri neyðtøkur, hvussu nógvar, vil ákæruvaldið ikki siga enn.

Heldur ikki, nær ella hvar, neyðtøkurnar skulu vera framdar.

Maðurin noktar seg sekan.